Afrikaners vs Suid-Afrika

Hierdie post is kommentaar op Of generations, arseholes, Isreal and volkstate, ’n uitmindende weldeurdagte post deur Mhambi en die post se kommentaar.

Marthinus, jy moet nie jou kop breek oor die woord liberalisme nie. Dis semantics. In sekere gevalle is liberalisme nie ‘n slegte ding nie. Maar ek stem 100% saam met jou dat “unquestioning tolerance” ook nie gesond is nie. Op die oomblik is almal gefokus op “tolerance” dit en “tolerance” dat. Maar ek wil nie ‘n kultuur wat moor en roof en verkrag tolerate nie. Ek gee nie om hoe polities inkorrek dit is nie. Dis onaanvaarbaar dat Suid-Afrikaners (wit & swart) daagliks moet vrees vir hulle lewens. En net swartmense, dmv demokrasie, kan dit uitsort. Dit maak my bekommerd want in die res Afrika kon hulle dit nog nie uitsorteer nie.

Mhambi jy skryf rerig goed. Die een ding waarmee ek nie saamstem nie is oor die gesondheid van die Afrikaner. Ek dink ons is in ‘n beter toestand as wat mense besef. Kyk ‘n bietjie na besigheid, sport (selfs krieket) & kultuur (oukei behalwe vir ou Steve). Die Afrikaner laat hom weer geld.

Ek stry ook nie dat ons moerse struikelblokke in die land het nie. Maar ons het nie rêrig iewers anders om heen te gaan nie (ek was 8 jaar in Londen en ek belowe jou daar is maar een land vir ons Boere en dis SA). Dit gaan nie maklik wees nie, maar juis die feit dat ons nêrens heen het om die gaan nie het ‘n huge bearing op die Afrikaner se toekoms. Ons moet dit maak werk. Ek dink baie Afrikaners sien dit - soos ek - as ‘n positiewe uitdaging.

Ek is ‘n moerse trotse Afrikaner. Delarey, Paul Kruger, FW de Klerk en selfs Charlize Theron is my heroes. Maar ek is ook ‘n trotse Suid-Afrikaner. Bryan Habana, Nelson Mandela & Aggrey Klaaste is ook my heroes. Myns insiens kan jy altwee wees: Afrikaner en Suid-Afrikaner. Maar dit beteken nie ‘n mens moet die k@k wat die ANC (of wie ookal) praat aanvaar nie.